رمضان .... شهر النصر

تحل علينا فى هذا الشهر الكريم ثلاث مناسبات

من أعظم الإنتصارات فى تاريخ هذة الأمة الا وهى

غزوة بدرفى 17 من رمضان فى السنة الثانية من الهجرة وفى
هذة الغزوة استطاع المسلمون بقيادة رسول الله (صلى الله عليه وسلم)
الإنتصارعلى المشركين وهزيمتهم هزيمة نكراء رغم قلة عدد المسلمين
ولكنه نصرا من الله.
وفتح مكة فى 20 من رمضان فى السنة التاسعة من الهجرة حيث
دخل الرسول فاتحا مكة بجيش كبير ولم يحدث اقتتالا فى هذا اليوم وعفا الرسول
عن أهل مكة وبدا أن اللإسلام عصر جديد بعد خول اناس كثيرة فى الإسلام
وحرب10 من رمضان لسنة 1993 هجرية الموافق 6 أكتوبر عام 1973
حيث سطر الجيش المصرى واحدة من أروع ملاحمة وأنتصر على إسرائيل
ومحا ذل هزيمة .67 ليرفع راية مصر والعرب من جديد
كما أوضحت الحرب كيف كان الفارق بين جندى 67 و 73 وهذا بفضل
القوة الإيمانية والحماس والإصرار على إستعادة الأرض من العدو كما أظهرت
تلاحم العرب بما قدموا من مساعدات عسكرية وحظر اليترول على الغرب.
أن هذه الإنتصارات تذكرنا أنه لشى صعب أو مستحيل وأن القدرة على النصر
ليس بالعدد والعدة فقط بل بقوة الإيمان والتقرب الى الله وبشعارا هو
الله أكبر الله أكبر

يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ, سورة محمد

الغلـبان

المبرمجون والزوجة الثانية

أثناء عمل فى إحدى شركات البرمجة كان هناك ثلاثة أصدقاء متزوجون
وكانوا دائما ما يقولون فى مناسبة نتحدث فيها عن الزواج أنهم يريدون أن
يتزوجوا ثانية وكان أحد هؤلاء الأصدقاء أنه يريد أن يتزوج من أجنبية
وأنالزواج بثانية سيكون أكثرمتعه وأكثر خبرة وأقلل ملل,وكنت أرد عليه
قائلا:ً أنت قادرعلى زوجة واحدة حتى تتزوج بثانية فيرد قائلا: هذا من
حقى أن أتزوج ثانية وثالثة وطالما لا أظلم أحدا فلا يهمنى شئ وأما الأخر فكان
يقول: أنهيريد أن يتزوج يثانية لكن الحياة صعبة ولكنه ينصحنا بزوجة ثانية لو
كنا قادرين أما الثالث: فكنا دائما يقول أنه سيتزوج ثانية وأن الزواج مرة أخرى
سيكون له طعما أخرى وحياة أخرى فكنت أرد وأقول له كيف تستطيع أن تتزوج
بثانية وأن تقنع زوجتك وخاصة أنها من أقربائك
فيرد على قائلاُ أنه دائما يردد أمامها فى مزاح
أنه سيتزوج من ثانية حتى تتعود على الأمر عندما يصبح واقعا
فقلت له أنها فكرة مقبولة لكن لكل شئ عواقب فقال أنه يستطيع ان يتحملها من
اجل الزواج بأخرى لآنه على حد قوله : الزواج مرة أخرى حاجة تانية
ربما أكون موافقا لهم أذ انك بزواجك بثانية تحقق ثلاثة أشياء
أولا: تنفذ أمرا شرعياُ , وثانيا:تساهم فى انقاض عدد الغير متزوجات
ثلاثاُ:تسعد حياتك وتستمتع بها
ولكن للزواج بثانية أمورا أخرى سلبية
كعدم العدل بين الأثنتين, أو دخول فى مشاكل بسب عدم القدرة على ضبط الأمور
أو غيرة أحدهما من الأخر وأعباء ماليه أكثر
بالنسبة لى فلم يتسنى لى الزواج بواحدة حتى أستطيع
ان أقول أن الزواج مرة أخرى أمرا لابد منه
لكن كل ما أستطيع أن أقوله أن الزواج بثانية أفضل لمن يقدرعليه
فهناك ما يقرب من مليون مصرى متزوج بإثنتين
ولا أعتقد ان كل هؤلاء مخطئين بالزواج من ثانية

الغلبـان

الأبيض والأسود

روى أن الحجاج بن يوسف الثقفى أشترى غلامين أحدهما أسود والآخر أبيض،وطلب
من كل منهما أن يمدح نفسة ويذم الأخر فقال

الغلام الأسود

ألم ترى أن المسك لاشئ مثلة *** وأن بياض اللفت حُمل بدرهم

وأن سواد العين فيه نورها *** وأن بياض العين لاشئ فاعلم

فرد الأبيض قائلاً

ألم تر أن البدر لاشئ مثلة *** وأن سواد الفحم حمل بدرهم

وأن رجال الله بيض وجوههم *** ولاشك أن السود أهل جهنم

الغلبـان

رمضـان كريـم

تايا آى تى : محرك بحث عربى

TayaIT تم خلال الأيام الماضية إطلاق محرك بحث باللغة العربية تايا آى تى

وهو يهدف الى تقديم خدمة البحث للمنطقة العربية

http://www.tayait.com/

الغلبـان

أحنا بنشترى رجاله

مصر الفرعونيه

بابا انا عايز اتجوز اختى حت حور

خلاص يا ابنى خليها تنقل حاجتها فى قوضتك ..

وابقى هاتلها حجرين صوان هدية .. مبروك يا تاح

-------------------------------------

مصر فى عصر الرومان

تتجوزينى يا افروديت

اتجوزك يا بانسيلوس

يللا بينا نبنى كوخ ع البحر ونعيش هناك

يللا............................

-----------------------------------------

مصر بعد الفتح الاسلامى

- ولدى خالد يا شيخ احمد بيريد يتجوز ابنتك البكر الكريمة .. وبيبنى خيمة .. ويقدم مهر بعير

- والله خالد ولدك زين الرجال .. وايش اتمنى غير رجل صالح يكون زوج لبنتى ..

وكما قال رسول الله صلى الله عليه وسلم " ان جاءكم من ترضون دينه وخلقه فزوجوه " .... قيموا الافراح...........................

مصر 1919

انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى

طب مش اشوفها الاول يا با

انت اتجننت يا ولد تشوفها ده ايه .. انت ح تتجوز والا تخبص -

حاضر يا با.............................

---------------------------------------------------

مصر 1960

بقى يا ستى بنتك آمال جالها عريس

ياألف نهار ابيض يا ألف نهار مبروك

جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟ الرأى رأيك يا أبو العروسة .. والله العيال ح يعجزونا يا ابو محمد

فشر .. تدبل الوردة وريحتها فيها يا نرجوستى..............................مصر فى عصر الانفتاح

اخرسى يا بنت ... انا اللى يتجوز بنتى لازم يكون عنده شقة تمليك وعربية وسوبر ماركو- بس يا ماما- ما فيش بس .. انا وابوكى قبل ما يموت فى الحرب كانت بتعدى علينا ايام ما بنلاقيش ناكل .. انا يا بنتى مش عايزاكى تتعذبى زى ما احنا اتعذبنا .. انتى ح تتجوزى فتحى ابن خالتك

بس انا مش بحبه يا ماما

الحب ما بيأكلش تونة فى الزمن ده يا فالحة

امرك يا ماما........................

------------------------------------------

مصر 2006

المشهد الاولنهار خارجى ... احد الكافيتريات المغلقة ... موسيقى هادئة تملا المكان

حسن : يا حبيبتى انا مرتبى 250 جنية بعد الضرايب والمستنقعات .. وبعد الشغل بحاول اعمل اى مصلحة

يعنى باصفى فى الشهر حوالى 400 450 ... وما عنديش شقة ومش محوش ولا مليم .... اهلك عمرهم ما ح يوافقوا بيها

احلام : ياحسن يا حبيبى بابا وماما متفاهمين جدا ... وما يهمهمش غير سعادتى ... الفلوس دى آخر حاجة ممكن يتكلموا فيها

حسن : انتى شايفة كده ... ماشى .... حددى لى ميعاد مع باباكى الجمعة الجاية الساعة 6.........................................

المشهد الثانى فى منزل احلام ... منزل قديم .... فرش متواضع جدا ..

يجلس الاب الذى يبلغ من العمر الثالثة والستين .... وبجواره العم 55 عاما ... والخال

56الخال : منورنا والله يا استاذ حسن حسن : ده نورك يا عم ىالاب : فين الشاى يا ام احلام,

ام احلام من بعيد : جاية اهه يا ابو احلام

الاب : ها يا ابنى .. ح تدفع كام وتشيلحسن : اللى تأمر بيه يا عمى

الاب : الامر لله يا ابنى .. احنا مش طالبين كتير .. شقة تمليك فى اى حتة تكون نضيفة ..

ومهر 25 الف جنية يا دوب ده احنا ح نحط ادهم مرتين علشان نجيب العفش وانت ح تجيب الاجهزة والسجاد

وحاجة المطبخ والستاير والذى منه .. وح تجيب شبكة بزيهم .. طبعا انت عارف ان الدهب غلى يعنى مش ح يجيبوا حاجة بس انت وذوقك بقى .. مش كده والا ايه يا ام احلام

ام احلام : آه يا أخويا دى عفاف بنت خالتها خطيبها جايبلها شبكة بخمسين الف جنية .. ده غير الاجهزة الحديثة

اللى جايبهالها معاه وهو جاى من السفرالاب : اما الفرح فى قاعة صغيرة بس طبعا لازم تساع الحبايب

واحنا حبايبنا كتير .. والقايمة والمؤخر طبعا انت سيد العارفين .. وفى الاول والآخريا ابنى .. احنا بنشترى رجالة

حسن : بس يا عمى انا ممعاييش المبالغ اللى حضرتك بتتكلم فيها دى

الاب : اللى ممعهوش مايلزموش يا ابنى .. واحنا فى الاول والآخر بنأمن لبنتنا حياة سعيدة

امال عايز تاخدها رخيصة والا ايه؟حسن : يا عمى لو بنتك رخيصة ما كنتش خبطت على بابكم .. وسكك الغلط فى الزمن ده سهلة .. واكتر م الهم ع القلب .. وبعدين احنا ممكن نلم الدور .. وحضرتك عارف ظروف الحياة اللى بنعيشها .. وانت لسه قايل بعضمة لسانك ان كل حاجة غليت .. والظاهر ان الانسان بس هو اللى عمال بيرخص الاب : قصدك ايه؟

حسن : قصدى يعنى دبلتين .. وشقة قانون جديد على قد الحال .. ومهر ربع جنية .. واجيب انا عفش بيتى على قد فلوسى .. وفرح بسيط مش بهرجة ورقص ومسخرة .. ده احنا بنبتدى مع بعض علاقة نضيفة .. اجيب كمبيوتر اجيب تليفزيون .. اجيب تلاجة صغيرة والا كبيرة .. فى الاول والآخر احنا اللى ح نستعملها .. ولو باظت اكيد انا برضه اللى ح اجيب غيرها مش ح آجى واقولك هاتلى .. وحضرتك ممكن تاخد رايها على الكلام ده

الاب : انت جاى تشتمنى والا ايه ؟ .. احنا ما عندناش بنات تمشى كلامها على ابوها .. الظاهر انك جيت البيت ده غلط حسن : لا ياحج انا طبعا ما جتش غلط .. بس ممكن اكون عايش فى زمن غلط .. مع ناس مش عايشة فيه .. وبعدين هو مش حضرتك مصرى برضه .. ومسلم طبعا ؟ .. يبقى انا ما جتش غلط .. انت اللى قاعد غلط وبتتكلم غلط فى غلط

الاب : احترم نفسك يا ولد حسن : بلا احترم نفسى بلا نيلة بقى .. احترموا انتوا ظروفنا اللى انتوا حطتونا فيها .. احترموا انتوا دينكم اللى بتعتقدوه وبتعلموهولنا .. احترموا انتوا عقولنا بكلامكم اللى مالوش اى علاقة لا بالعقل ولا بالواقع

الاب : اطلع برة .. ده انا عمرى ما ح اجوزهالك حتى ولو على جثتى

حسن : حتى دى كمان غلط .. ولا تمت للحقيقة بصله .. والحدق يفهم .. سلامو عليكو.......................يخرج حسن من منزل احلام .. يسب ويلعن ويضرب الارض بقدميه .. بعد قليل يدق جرس هاتفه المحمول

حسن : ايوةاحلام : ايه يا حسن اللى انت هببته مع بابا ده حسن : باباااااااااااا .. انا ماشفتش بابا يا طنط .. انا شفت نخاس بيبيع جارية فى سوق العبيد .. شفت جزار بيبيع معزة للى يدفع اكتر

احلام : ايه يا حسن الكلام ده انت بتغلط فيه .. طب وانا ذنبى ايه .. انا مش عايزة فلوس ولا دهب ولا حتى غسالة عادية .. هاتلى طشت ياحسن .. هاتلى قلة .. مش عايزة غير عشة وانسان احبه ويخاف علية واخاف عليه .. واظن ده من حقى انا مش مراهقة ولا طفلة .. انا عندى اربعة وعشرين سنة ...يعنى اقدر اتحمل مسؤلية قرارى .. واختار الانسان اللى ح يعيش معايا حياتى كلها تحت سقف واحد ... اهىء اهىء اهىء

حسن : خلاص بقى بطلى عياط حقك علية .. معلش انا كمان زعلان من اللى حصل واعصابى مشدودةاحلام : طب وح نعمل ايه دلوقتحسن : العمل عمل ربنا اللى مايرضيهوش اللى بيحصل ده .. ده حتى حرام وظلم وافترااحلام : طب ايه رايك يا حسن .. لو اسم نفسى كده وكده .. وتيجى تنقذنى ونتجوزحسن : لا اااااااا .. انا فى عرضك .. الا ما الحقش انقذك وتروحى فيها .. وبعدين كده تبقى روميو وجولييت .. وانا ما ينفعش انهى القصة عليها .. ستين واحد ح يخش يقولى يا حرامى .. دى نهاية مفقوسة وقديمة حتى اسأل جدو شكسبير احلام : طب ح نعمل ايه يا حسن؟

حسن : اهو كل واحد يقفلها براحته .. انا قلت اللى عندى خلاص

تقيم حياتى

This Is My Life, Rated
Life:	6.8
Mind:	7.3
Body:	6.3
Spirit:	5
Friends/Family:	4.9
Love:	2.1
Finance:	6.8
Take the Rate My Life Quiz