عشان ما تتضربش على قفاك...كتاب صادرتھ الداخلیة

كتب ضابط الشرطة السابق عمر عفيفى بإسلوب سهل وبسيط "عشان ماتتضربش على قفاك"!، من أجل
توعية المواطنين بحقوقهم. ومالبث ان طرح بالمكتاب، الا وصادرته وزارة الداخلية.
وبعد تهديدات امنية لعفيفى، قرر مغادرة البلاد الى الولايات المتحدة.

وسأقوم بإضافتة لاحقا فى مدونة يوميات وحكايات


يمكنك تنزيل الكتاب من هذا الرابط

الغلبان

كلمات .....ع السريييـع

كنت راكب فى المترو من يومين و سمعت واحد بيقول لزميله:سمعت لبنان حتعمل إيه،فالتانى راح سأله إيه،فراح الأولانى قاله:بيقولك ناويين يعملوا طابع للبنان عليه صورة هيفاء وهبى!!.....و بعدين ماسمعتش باقى الكلام عشان المحطة بتاعتى جت و نزلت بعد كدة

و انا باتمشى سرحت و قلت فى عقل بالى:الله.....و الطابع دة نلحسه بقى من قدام و لا من ورا؟؟

من مدونة إياكش تولع

الناس لو يعرفوا قيمة الجرجير كانوا زرعوا تحت السرير
أول مرة أسمع المثل ده لو كان دا مثل أصلا
وإشمعنا الجرجير بالذات؟



كنت بشوف عدد الزوار اللى عندنا فى موقع البحث تايا
لقيت ان اكتر حاجة بيبحثوا عنها الناس هى الحاجات الوسخة
(وأسف على التعبير)
كلها كلمات زى سكس ، أفلام سكس



وبمناسة أكتر دولة فى العالم بتبحث عن
هى مصر واللغة العربية (sex) كلمة
هى الأولى فى العالم طبعا فضيحة بكل المقايس



واحد صاحبى مامتوا بتقلوا شايفالك عروسة زى
اللى بيطلعوا فى التلفزيون
يا خوفى لتبقى زى عائشة الكيلانى مع الإعتذار


اقريت خبر فى موقع قناة العربية بيقولك
أن هيفاء وهبى قررت أتئمن على جسمها
بعد حادثة الطيارة فى لبنان , المهم المبلغ اللى حطاة بعض
شركات التأمين وصل مليار دولار..مش عاوز أقول كلمة وحشة بس هى كلمه
من تلات حروف



برضوا خبر تانى من الموقع الغبى ده بتاع الأخبار الصفرا
بيقولك واحده ماليزية تعاشر ضيف جوزها على سبيل الخطأ
طب إزاى ....أنا صراحة حاسس ان الخبر ده متفبرك


لو حبيت تجوز ودور على عروسة أوعى تخلى مامتك
تدورلك على عروسة ,أوعى تصدق الوصف اللى بتقولهولك على أى
عروسة لإن معظم رأيهم هتلاقيه مختلف عن رأيك
ودى نصيحة واحد زميلى وعن تجربة, الحاجة التانية اللى لحظتها أن
هم بميلوا للبنت المليانه شوية ومبحبوش البنات الرفيعة
ليه ؟؟ يقولولك اه حبك فى البنت المسلوعة ؟
وأعمل حسابك أنك مش هتجوز اللى لما تاخد فرمان القبول
من الست الوالدة ولا عايز حياتك تبقى ....
وكلوا فى الآخر قسمة ونصيب

منتهى الإحترام الجزء 2

منتهى الإحترام -الجزء 1

فـالن طييين

أنا مش عارف اه اللى جرا فى البلد عشان
نحتفل بحاجة غربية ونخلى فى يوم للحبيبة
اه يابلد ياللى مافكيش حاجة ماشيه مظبوط
غير الهيافة والكوسة هو احنا مش فالحين
غير ان احنا نقلد الغرب فى التفاهات انما
فى العلم والحرية واليمقراطية بنقول كل بلد
لى خصوصياته او اصح كل حاكم مش
عاوز يقوم من ع الكرسى اللى ابوه جبهوله
اصل هى كانت عزبتهم و بقت دول بعد كده وهوا دا حال كل العرب
لاكن نزلت انا وصاحبى مدينة نصر عشان نستغل العرض اللى منزلاه شركة ملابس
احتفالاً بعيد الفالن طيين ونشترى حاجة لينا مش لحد تانى ، وبص الاقى معظم البنات
لابسه احمر واللى شايلة ورد أحمر أو قلب أحمر ودبدوب أحمر..
يعنى مش هتلاقى أحمر من اليوم دة

اه اللى حصل ياناس عشان نحتفل باليوم دة ومين اللى نشر فكرة الأحتفال بعيد الحب
فى مصرعلى حد علمى ان مصطفلى أمين هو اول من دعى للأحتفال بعيد الحب اياً كان
هو ولا مش هوا بس هيشيل ذنب وأثم كل اللى بيحتفل بالبدعة دي .. دا يوم للفساد
وقلة الأدب اتقوا الله وبطلوا بقى نشر البدع مش كفاية الموالد والمقامات المنتشر
فى مصر وكل دا شركيات والعياذ بالله وعجبنى فى السعودية انها منعت الأحتفال
بهذه البدعة ومنعت مظاهر الأحتفال بها وعبقال عندنا يارب
حرم الرسول (صلم) كل الأعياد اللى كانت أيام الجاهليه ومافيش غير عيديين لينا
وهما عيد الفطروعيد الأضحى نيجى احنا نجيب أعياد الغرب ونحتفل بيها .. وأخير
لايسعنى إلا ان أذكر حديث الرسول صلى الله عليه وسلم فى حديثه عن البدع ‏
‏ ‏(‏إياكم ومحدثات الأمور فإن كل محدثة بدعة، وكل بدعة ضلالة،
وكل ضلالة في النار‏) صدق رسول الله .
وربنا يبعدنا عن البدع وأهل البدع ...آميـــــــــن

الغلبـان

أكاذيب على قناة الفجور

تطالعنا الشمطاء التى تسمى هالة سرحان من حين الى اخر فى برنامجها الفاشل مثلها فى هالة ولكن من الغبار وسرحان لتسرح فى دنيا الأكاذيب وادعاءات
بدكتوراة لاتعلم عنها شيئا لقد فعلت ما بدى لها
فى برنامجها فهى لاتستضيف سوى اناس جهلة
والفئة الفاسدة التى لاهم لهم سوى إفساد الشباب
وهدم ما تبقى من الأخلاق أنهم فى الحقيقة
ليسوا إلا رويبضة المجتمع

لقد تجلت الحقيقة ووضحت ، فلقد فضح امرها
وظهرت أكاذيبها ظنت أن الخدعة ستنجح ولكن
اظهر الله اكاذيبها فهى استضاف ثلاث فتيات ليل ليحكوا
لنا عن حياتهم أوانتهت كل المواضيع ولم يبقى إلا هذا ؟
ثم نفاجئ بأن الفتيات ما هن إلا بنات عاديات لايمتن الى الدعارة بشئ
انما اعطتهم المال وطلبت منهن ان يقولن ماستمليه عليهن ـ يا لفجورك ايتها المرأة ـ
وربنا ياخدك ونرتاح منك , والله ليكونن حسابك عند ربك عسير ، فليس لك عمل
إلا افساد الشباب ونشر الفساد واستضافة الـــ....
وأفضل شئ أننا لن نراها ثانية على التلفاز فلتذهب هى وأمثالها إلى الجحيم

وحسبنا الله ونعم الوكيل

للمزيد عن الموضوع يمكنك زيارة هذه الوصلات

• المصرى اليوم
  
• أماني إحدي بطلات هالة شـو
• هالة سرحان

الغلبـان