رمضـان كريـم

تايا آى تى : محرك بحث عربى

TayaIT تم خلال الأيام الماضية إطلاق محرك بحث باللغة العربية تايا آى تى

وهو يهدف الى تقديم خدمة البحث للمنطقة العربية

http://www.tayait.com/

الغلبـان

أحنا بنشترى رجاله

مصر الفرعونيه

بابا انا عايز اتجوز اختى حت حور

خلاص يا ابنى خليها تنقل حاجتها فى قوضتك ..

وابقى هاتلها حجرين صوان هدية .. مبروك يا تاح

-------------------------------------

مصر فى عصر الرومان

تتجوزينى يا افروديت

اتجوزك يا بانسيلوس

يللا بينا نبنى كوخ ع البحر ونعيش هناك

يللا............................

-----------------------------------------

مصر بعد الفتح الاسلامى

- ولدى خالد يا شيخ احمد بيريد يتجوز ابنتك البكر الكريمة .. وبيبنى خيمة .. ويقدم مهر بعير

- والله خالد ولدك زين الرجال .. وايش اتمنى غير رجل صالح يكون زوج لبنتى ..

وكما قال رسول الله صلى الله عليه وسلم " ان جاءكم من ترضون دينه وخلقه فزوجوه " .... قيموا الافراح...........................

مصر 1919

انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى

طب مش اشوفها الاول يا با

انت اتجننت يا ولد تشوفها ده ايه .. انت ح تتجوز والا تخبص -

حاضر يا با.............................

---------------------------------------------------

مصر 1960

بقى يا ستى بنتك آمال جالها عريس

ياألف نهار ابيض يا ألف نهار مبروك

جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟ الرأى رأيك يا أبو العروسة .. والله العيال ح يعجزونا يا ابو محمد

فشر .. تدبل الوردة وريحتها فيها يا نرجوستى..............................مصر فى عصر الانفتاح

اخرسى يا بنت ... انا اللى يتجوز بنتى لازم يكون عنده شقة تمليك وعربية وسوبر ماركو- بس يا ماما- ما فيش بس .. انا وابوكى قبل ما يموت فى الحرب كانت بتعدى علينا ايام ما بنلاقيش ناكل .. انا يا بنتى مش عايزاكى تتعذبى زى ما احنا اتعذبنا .. انتى ح تتجوزى فتحى ابن خالتك

بس انا مش بحبه يا ماما

الحب ما بيأكلش تونة فى الزمن ده يا فالحة

امرك يا ماما........................

------------------------------------------

مصر 2006

المشهد الاولنهار خارجى ... احد الكافيتريات المغلقة ... موسيقى هادئة تملا المكان

حسن : يا حبيبتى انا مرتبى 250 جنية بعد الضرايب والمستنقعات .. وبعد الشغل بحاول اعمل اى مصلحة

يعنى باصفى فى الشهر حوالى 400 450 ... وما عنديش شقة ومش محوش ولا مليم .... اهلك عمرهم ما ح يوافقوا بيها

احلام : ياحسن يا حبيبى بابا وماما متفاهمين جدا ... وما يهمهمش غير سعادتى ... الفلوس دى آخر حاجة ممكن يتكلموا فيها

حسن : انتى شايفة كده ... ماشى .... حددى لى ميعاد مع باباكى الجمعة الجاية الساعة 6.........................................

المشهد الثانى فى منزل احلام ... منزل قديم .... فرش متواضع جدا ..

يجلس الاب الذى يبلغ من العمر الثالثة والستين .... وبجواره العم 55 عاما ... والخال

56الخال : منورنا والله يا استاذ حسن حسن : ده نورك يا عم ىالاب : فين الشاى يا ام احلام,

ام احلام من بعيد : جاية اهه يا ابو احلام

الاب : ها يا ابنى .. ح تدفع كام وتشيلحسن : اللى تأمر بيه يا عمى

الاب : الامر لله يا ابنى .. احنا مش طالبين كتير .. شقة تمليك فى اى حتة تكون نضيفة ..

ومهر 25 الف جنية يا دوب ده احنا ح نحط ادهم مرتين علشان نجيب العفش وانت ح تجيب الاجهزة والسجاد

وحاجة المطبخ والستاير والذى منه .. وح تجيب شبكة بزيهم .. طبعا انت عارف ان الدهب غلى يعنى مش ح يجيبوا حاجة بس انت وذوقك بقى .. مش كده والا ايه يا ام احلام

ام احلام : آه يا أخويا دى عفاف بنت خالتها خطيبها جايبلها شبكة بخمسين الف جنية .. ده غير الاجهزة الحديثة

اللى جايبهالها معاه وهو جاى من السفرالاب : اما الفرح فى قاعة صغيرة بس طبعا لازم تساع الحبايب

واحنا حبايبنا كتير .. والقايمة والمؤخر طبعا انت سيد العارفين .. وفى الاول والآخريا ابنى .. احنا بنشترى رجالة

حسن : بس يا عمى انا ممعاييش المبالغ اللى حضرتك بتتكلم فيها دى

الاب : اللى ممعهوش مايلزموش يا ابنى .. واحنا فى الاول والآخر بنأمن لبنتنا حياة سعيدة

امال عايز تاخدها رخيصة والا ايه؟حسن : يا عمى لو بنتك رخيصة ما كنتش خبطت على بابكم .. وسكك الغلط فى الزمن ده سهلة .. واكتر م الهم ع القلب .. وبعدين احنا ممكن نلم الدور .. وحضرتك عارف ظروف الحياة اللى بنعيشها .. وانت لسه قايل بعضمة لسانك ان كل حاجة غليت .. والظاهر ان الانسان بس هو اللى عمال بيرخص الاب : قصدك ايه؟

حسن : قصدى يعنى دبلتين .. وشقة قانون جديد على قد الحال .. ومهر ربع جنية .. واجيب انا عفش بيتى على قد فلوسى .. وفرح بسيط مش بهرجة ورقص ومسخرة .. ده احنا بنبتدى مع بعض علاقة نضيفة .. اجيب كمبيوتر اجيب تليفزيون .. اجيب تلاجة صغيرة والا كبيرة .. فى الاول والآخر احنا اللى ح نستعملها .. ولو باظت اكيد انا برضه اللى ح اجيب غيرها مش ح آجى واقولك هاتلى .. وحضرتك ممكن تاخد رايها على الكلام ده

الاب : انت جاى تشتمنى والا ايه ؟ .. احنا ما عندناش بنات تمشى كلامها على ابوها .. الظاهر انك جيت البيت ده غلط حسن : لا ياحج انا طبعا ما جتش غلط .. بس ممكن اكون عايش فى زمن غلط .. مع ناس مش عايشة فيه .. وبعدين هو مش حضرتك مصرى برضه .. ومسلم طبعا ؟ .. يبقى انا ما جتش غلط .. انت اللى قاعد غلط وبتتكلم غلط فى غلط

الاب : احترم نفسك يا ولد حسن : بلا احترم نفسى بلا نيلة بقى .. احترموا انتوا ظروفنا اللى انتوا حطتونا فيها .. احترموا انتوا دينكم اللى بتعتقدوه وبتعلموهولنا .. احترموا انتوا عقولنا بكلامكم اللى مالوش اى علاقة لا بالعقل ولا بالواقع

الاب : اطلع برة .. ده انا عمرى ما ح اجوزهالك حتى ولو على جثتى

حسن : حتى دى كمان غلط .. ولا تمت للحقيقة بصله .. والحدق يفهم .. سلامو عليكو.......................يخرج حسن من منزل احلام .. يسب ويلعن ويضرب الارض بقدميه .. بعد قليل يدق جرس هاتفه المحمول

حسن : ايوةاحلام : ايه يا حسن اللى انت هببته مع بابا ده حسن : باباااااااااااا .. انا ماشفتش بابا يا طنط .. انا شفت نخاس بيبيع جارية فى سوق العبيد .. شفت جزار بيبيع معزة للى يدفع اكتر

احلام : ايه يا حسن الكلام ده انت بتغلط فيه .. طب وانا ذنبى ايه .. انا مش عايزة فلوس ولا دهب ولا حتى غسالة عادية .. هاتلى طشت ياحسن .. هاتلى قلة .. مش عايزة غير عشة وانسان احبه ويخاف علية واخاف عليه .. واظن ده من حقى انا مش مراهقة ولا طفلة .. انا عندى اربعة وعشرين سنة ...يعنى اقدر اتحمل مسؤلية قرارى .. واختار الانسان اللى ح يعيش معايا حياتى كلها تحت سقف واحد ... اهىء اهىء اهىء

حسن : خلاص بقى بطلى عياط حقك علية .. معلش انا كمان زعلان من اللى حصل واعصابى مشدودةاحلام : طب وح نعمل ايه دلوقتحسن : العمل عمل ربنا اللى مايرضيهوش اللى بيحصل ده .. ده حتى حرام وظلم وافترااحلام : طب ايه رايك يا حسن .. لو اسم نفسى كده وكده .. وتيجى تنقذنى ونتجوزحسن : لا اااااااا .. انا فى عرضك .. الا ما الحقش انقذك وتروحى فيها .. وبعدين كده تبقى روميو وجولييت .. وانا ما ينفعش انهى القصة عليها .. ستين واحد ح يخش يقولى يا حرامى .. دى نهاية مفقوسة وقديمة حتى اسأل جدو شكسبير احلام : طب ح نعمل ايه يا حسن؟

حسن : اهو كل واحد يقفلها براحته .. انا قلت اللى عندى خلاص

تقيم حياتى

This Is My Life, Rated
Life:	6.8
Mind:	7.3
Body:	6.3
Spirit:	5
Friends/Family:	4.9
Love:	2.1
Finance:	6.8
Take the Rate My Life Quiz

مصر مبارك

كلنا عارفين ان بكرة العيد هيبقى عديين

عيد ميلاد أبوانا الكبير الحاج مبارك ودخلت أبنو الكبير جمال بيه

طبعا أحنا منقدرش نفوت اليوم من غير منقدم التهانى والأمانى ونباركلو

وندعيلوا ربنا يمدلوا فى عمرو وهيوصل سن التقاعد فى الرياسة

بس انا ماعرفش سن التقاعد فى مصلحة الياسة بس أتمنى ان ما يكونشى سنالتقاعد عند الوفاة

أصل الناس كلها لو عرفت يا رايس هتدعبلى من قلبها أيوا الله من أقلبها أن ربنا.....يا رايس

على العموم انا لقليت بتين شعر فى موقع مصريون بلا حدود

قلت هما دول اللى ههادى بيهم ريسنا الكبير على الرغم أنى كنت ناوى

أهاديك الشعر بتاع أحمد فؤاد نجم بس ده مش بطال

والله ياريس كان نفسى أجيلك

أبوس الآيادى وأتمسح فى طـ

كان نفسى ياريس أطلع عليك

وأملى عينى من كآبة عينك

وأقولك ياريس سنة هباب عليك

دخُلت مصر بكرة

الحاج ابو جمال دخلت بكره على خديجة

أقصدى مصر ..ما خديجة هتبقى أم مصر والحاج جمال هيبقى أبو مصر

ما الدخلة اللى هتم بكرة أخر خطوه عشان يحكم مصر ...أقصد يدخل على مصر

عاوزيناك ترفع راسنا...عشان نفرح بيك ونفتخر بيك أقدام العالم هههه

مش بقلوكوا مصر دى طيبه وشعبها غلبان أهو الحاج جمال هيدخل على مصر وحيبقى يوم وطنى

أسمه عيد دخلة مصر واليوم اللى بيزيدوا بركة عيد ميلاد اللااس الكبير أبوانا الحاج مبارك

حامى حمى الوطن ورافع رأس العرب

مبروك عليكوا يارجاله... دخلت جمال على مصر بكرة ..وهيرفع راسنا

وأهديلوا البتين دول من موقع مصريون بلا حدود

ياجمال ياننوس عيون ماما سوزان

عايز أهنيك وأقولك كمان

حل عن سمانا وكفايانا حرمان

ولو على الإصلاح شوفلك قرد وكمان

وفى الشوارع غنى يالالالى أمان

مصر تفضل عليك ....جربان

الغلبـان

لا أدرى

لا أدرى لماذا تراجعت عن الكتابة لمدة تكاد تقترب من شهر
أهو الكسل ؟ ...أم عدم وجود شيء أكتبه ؟...أم أنها مشاغل الحياة ؟..لاأدرى
..................
عندما قررت ان أدون وضعت لنفسى ما يشبة الخطة لكتابة
أى شيىء أريدة وذلك حتى لاينال الكسل منى ؟ ولكن كما أرى أصابنى الكسل
فى مقتل...فى شهر كامل
.........................
لا اعلم كيف تجد متسعا من الوقت لتقضى مع نفسك قليل من الوقت لتفكر فى
خياتك وترتب لها وتتعلم من أخطائك وتخطط لمستقبلك بطريقة جيدة
كل هذا ربما يكون جميلا لو وجدت بعض الوقت لتفعل هذا..أما وأنك تفعل هذا
ولكن لا تفعل شيء مما قررت ان تفعله او تنفذ بعضه ربما يكون مرضيا بعض
الشئ أما اذا كنت لاتفعل شيء فهذه مصيبة وإذا كنت لاتجد بعض الوقت لتفكير
أصلا فهذه هى الكارثة..السير فى طريق الحياة على طريقة أدينا ماشيين وخلاص
المشكلة..أننى ربما أتبع هذه الطريقة ولو بطريقة غير مباشرة
ربما أخطط ..ولكن أفتقد التنفيذ الجيد والمتابعة والآستمرار
أتمنى أن تنتهى هذة الآفه اللعينة
.........................
الحياة كفاح ونكاح
الحياة....كم هى صعبة
الحياة ..كم لاهيه
الحياة..كم هى مادية
الكل يسعى ليجنى المال ثم يتزوج ثم يجنى المال
لبربى الأولاد ثم يزوجهم ثم...النهاية
.....................
بمناسبة الشيعة...ولاد..الـــ
كنت راكبا سيارة وكنا نتحدث عن الشيعة ومصادفة
عندما رأيت أحدى السيارات تسير فى الإتجاة المخالف
لإتجاة سيرنا,أشرت على سائق السيارة المخالفة
هذا الرجل شيعى..تعجب وقال مش ممكن
قلت له أنه ليس شيعى بالمعنى الفعلى
ولكن فعله بالسير بالأتجاه المخالف
تعنى أنة سلوك شيعى
فما الشيعى الأ المخالف للسنة
.....................
بمناسبة الكلمة التى قلتها ..الحياة كفاح ونكاح
حصل احدى أصدقائى على عمل جديد فقرر ان يدعونا على الغذاء
بمبلغ ... وتركنا أختيار نوع الأكل لإحدى زملائنا
فقرر أن يطلب لنا أكله تسمى فشنكاح
أكله تسد وتلكم وتهنج المخ
وأصبحت الحياة كفاح ونكاح وفشنكاح
ههههههههههههه

إنتهى ..كلام قلته لعلى أعبر عن بعض ما يدور فى خاطرى

الغلبـان